إتشعبط في الحلم و عافر

هقولك علي حاجه و امشي ورايا تكسب!نفسك في حاجه اوي و شايف إن حياتك من غيرها مش هتكتمل. شايف إن قمه السعاده في تحقيق الحلم دا، يبقى ركز معايا للاخر بقا.
عندك حلم .. اتشعبط فيه .. عافر عليه .. اوصل له .. حقق حلمك .. اطلع السلم واحدة واحدة .. اوصل لقمه الجبل ...عارف في ايه علي قمه الجبل .. في حلمك واقف مستنيك .. هيعرفك اول ما يشوفك .. علي فكره انت اللي خاليت الحلم دا يتولد اصلا .. عشان كدا الحلم مستنيك .. عشان كدا هيعرفك من وسط ملايين الكائنات الحيه.
الحلم بيتولد من فكره .. حتي لو الفكره دي هبله .. و بيكبر معاك .. و اقولك حاجه انت مش هترتاح ابدا غير لما توصل للقمه و تلاقي الحلم و تحققه .. خاليك واثق ان حلمك بتاعك لوحدك و عمره ما هيكون لغيرك .. بس لو نسيته او سيبته يمكن يبيعك زي ما بعته.
في حلمك هتلاقي الحياه وردي .. لانك حققت حاجه نفسك تحققها و انت اللس خلقتها اصلا .. حلمك كبير او صغير .. حلمك ممكن تكبره و ممكن تصغره .. حلمك ممكن تبدا تحققه علي نفسك و بعدين اللي حواليك و بعدهم العالم كله .. و لما تتغير هتحمس عيلتك و صحابك يتغيروا .. و لما اهلك و صحابك يتغيروا هتشجعوا المجتمع انه يتغير .. و لما المجتمع يتغير هتكونوا سبب حماس العالم للتغيير.
من الاخر اتشعبط في حلمك و عافر!

©2018 by Shahd H. Rashed's Tea Party. Proudly created with Wix.com